O‘quv kursining maqsad va vazifalari:

“O‘zbek  tili” kursini o‘qitishdan maqsad – o’zbek tilini xorijiy til sifatida yoki ikkinchi til sifatida o’rganmoqchi bo’lgan chet elliklar, vatandoshlarda  o‘zbek tilini amaliy jihatdan o‘rganuvchilarda O‘zbek tilining boshlang‘ich darajasiga, o‘zbek madaniyati va ish yuritishga  oid bilim, ko‘nikma va malakalarni shakllantirishdan iborat.

Ushbu maqsadga erishish uchun o‘quv dasturi quyidagi vazifalarni bajarishga xizmat qiladi:

– lotin yozuviga asoslangan o‘zbek alifbosini o‘rganish;

– A1 darajaga mos leksik minumumni o‘rgatish;

 – nutqiy vaziyatlarni og‘zaki ifodalash, nutqning uslubiy shakllari, matn  yaratish texnikasi va matn ustida ishlashga oid ko‘nikma va malakalarini rivojlantirish;

– tinglovchilarda fikrni yozma hamda og‘zaki ifodalash ko‘nikmasini shakllantirish;

– O‘zi va do‘sti oila a’zolari haqida qisqa ma’lumot bera olish;

– Ko‘chada transportda jamoat joylarida oddiy vaziyatlarda muloqotga kira olish.

Kurs bo‘yicha tinglovchilarning bilim, ko‘nikma va malakalariga qo‘yiladigan talablar:

Tinglovchi:

• o‘zbek-lotin alifbosini bilishi;
• sanay olish;
• kochada , bozor jamoat joylari va transportda oddiy vaziyatlarda muloqotga kiraolish;
• yoqtirgan narsalarini tasvirlay olish haqida tasavvurga ega bo‘lishi;
• o‘zbek tilida kundalik hayotda ko‘p qo‘llanadigan vaziyatlarda muloqotga kira olishni bilishi va ulardan foydalana olishi;
• fikrni og‘zaki hamda yozma shaklda to‘g‘ri ifodalay olish ko‘nikmalariga ega bo‘lishi zarur