Alisher Navoiy nomidagi Toshkent davlat o‘zbek tili va adabiyoti universiteti huzuridagi Davlat tilida ish yuritish asoslarini o‘qitish va malaka oshirish markazi Qoraqalpog’iston Respublikasi hududiy bo‘linmasi 2020-yilda tashkil etilgan. Hududiy bo‘linma Qoraqalpoq davlat universitetining 2-binosida joylashgan bo‘lib, Bo’linmada 4 nafar (1 nafar 1,0 stavka asosiy, 2 nafar 0,5 stavka o’rindosh) uslubchi, 11 nafar soatbay professor-o‘qituvchilar faoliyat olib bormoqda.

Bo’linmada Qoraqalpog’iston Respublikasidagi tashkilot va idoralar xodimlarining o‘zbek va qoraqalpoq adabiy tili me’yorlari, davlat tilida ish yuritish asoslari, rasmiy hujjatlar ustida ishlash, nazariy hamda amaliy bilim va ko‘nikmalarini oshirish bo‘yicha dars-mashg‘ulotlari tashkil etilgan.

Hududiy bo‘linmaning malaka oshirish kurslarida shu kungacha 2000 ga yaqin tinglovchilar ishtirok etishdi. Tinglovchilarning 6 ta modul bo‘yicha olgan bilimlari test va esselar orqali aniqlanib, topshiriqlarni muvaffaqiyatli bajarganlar sertifikatlarga ega bo‘lishdi.

Markaz manzili: Nukus shahri Ch.Abdirov ko‘chasi 1-uy, 2-bino, 4-qavat, 410-xona