Kurs bo‘yicha tinglovchilarning bilim, ko‘nikma va malakalariga qo‘yiladigan talablar:
Tinglovchi:

• o‘zbek-lotin alifbosini bilishi;
• o‘zbek adabiy tili me’yorlari, o‘zbek-lotin alifbosining imlo qoidalari, tinish belgilarini o‘zlashtirishi;
• nutq uslublarini farqlay olishi;
• matn yaratish texnikasini egallashi hamda og‘zaki nutqqa baho bera olishi;
• nutq madaniyatiga rioya qilgan holda fikrni yozma hamda og‘zaki shaklda ifodalay olishi;
• hujjat tili va uslubi, hujjat turlari haqida bilimga ega bo‘lishi;
• o‘zbek tilida kundalik hayotda ko‘p qo‘llanadigan rasmiy hujjatlarni to‘g‘ri yoza olishni bilishi va ulardan foydalana olishi;
• fikrni og‘zaki hamda yozma shaklda to‘g‘ri ifodalay olish ko‘nikmalariga ega bo‘lishi zarur;
• muloqot psixologiyasi modulidagi amaliy mashg‘ulotlarni o‘zlashtirish mobaynida shaxslararo musosabatlarda vujudga kelishi mumkin bo‘lgan turli xil ziddiyatlarni oldini olish ko‘nikmalari;
• muloqotchanlik ko‘nikmalari rivojlanib, hamkorlikda ishlash texnologiyalari, suhbatdoshlarni o‘zaro bir-birlarini idrok qilish mexanizmlari to‘g‘risida muayyan bilimlarga ega bo‘ladilar;
• o‘qigan, ko‘rgan, eshitgan, bilgan va guvoh bo‘lgan narsa-hodisa haqida o‘z fikrini erkin, og‘zaki va yozma tarzda yetkaza olishga tayyorlash;
• Nutqiy va xulqiy madaniyatga ega bo‘lish, ayniqsa, mikrofon, minbar va videokamera bilan ishlash;
• nutq madaniyati haqida tushunchaga ega bo‘lish;
• notiq uchun zarur bo‘lgan shaxsiy xususiyat va qobiliyatlar haqida tushuncha olish;
• notiqlikda qo‘llaniladigan nutq texnikasi, nutq usullari malakalariga ega bo‘lish.