«O‘zbek tili» kursining boshlang‘ich darajasini tamomlagan O‘zbekiston davlat yoshlar teatri xodimlari uchun imtihon bo‘lib o‘tdi
Asosan ruscha spektakllar namoyish qilib kelayotgan teatr jamoasi endi o‘zbek tilidagi tomoshalar sonini oshirishni rejalashtirmoqda.
Darslar 3 oy davomida teatr binosida olib borildi. Til o‘rganuvchilar orasida aktyor yoshlar salmog‘i yuqori. Ayniqsa, rossiyalik tinglovchilar jamoada til ko‘nikmalarini qiyinchiliksiz egallaganligi ko‘zga tashlandi. Ularga o‘zbek madaniyati va tilning jozibadorligi manzur bo’lganini ta’kidladilar.
