O‘quv-seminarning 7-soni bo‘lib o'tdi

Davlat tilida ish yuritish asoslarini oʻqitish va malaka oshirish markazi tomonidan qoʻshni Qirgʻiziston va Qozogʻiston Respublikalarida faoliyat olib borayotgan ona tili va adabiyot oʻqituvchilari uchun oʻquv seminarining 7-soni bo‘lib o‘tdi.

Navbatdagi o‘quv seminarida Pedagogika fanlari doktori, professor Valijon Qodirov – «Mumtoz adabiyotni o‘qitishdagi muammolar va ularning yechimlari» mavzusida, pedagogika fanlari doktori, professor Gulshan Asilova – «Til ta’limida tanqidiy fikrlash ko‘nikmasini rivojlantirish» mavzusidagi ma’ruzalari bilan ishtirok etdilar.

Aytish joizki, bu galgi son ham savol-javoblar bilan qiziqarli ruhda o‘tdi. Seminar so‘ngida Markaz direktori I.Azimov ma’ruzachilarga hamkorlik uchun minnatdorlik bildirib, ularga  tashakkurnomalar topshirdi.

Ushbu o‘quv seminarining keyingi sonlari yangi o‘quv yilidan boshlab davom etadi.