"Davlat tilida ish yuritish va matnning lingvistik tahlili" kursi tashkil etildi

Davlat tilida ish yuritish asoslarini o‘qitish va malaka oshirish markazida respublika viloyat va tuman hokimlarining ma’naviy-ma’rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta’minlash bo‘yicha maslahatchilari uchun «Davlat tilida ish yuritish va matnning lingvistik tahlili» kursi tashkil etilmoqda. Maslahatchilar bosqichma-bosqich ushbu kursda malaka oshirib tegishli sertifikatga ega bo‘lishlari mumkin.

Bugungi kunda davlat tilida ish yuritish va lingvistik ekspertiza sohasining dolzarbligi ortib bormoqda. Ish faoliyati aynan shu masala bilan chambarchas bog‘liq bo‘lgan maslahatchilar uchun ushbu kurs ayni muddaodir. Darslarni sohaning yetuk mutaxassislari jarayonlarni amaliyotga bevosita bog‘lagan holda olib bormoqda.