O‘zbekiston Respublikasi Prezidentining 2019-yil 21-oktabrdagi PF–5850-son Farmoni ijrosini ta’minlash maqsadida 2026-yil 5-yanvardan boshlab Farg‘ona shahrida o‘zga tilli guruhlar uchun “O‘zbek tili” o‘quv kursi faoliyati yo‘lga qo‘yildi.
Mazkur kurs Farg‘ona viloyati axborot-kutubxona markazida tashkil etilib, uning ochilish tadbirida:
— Farg‘ona viloyati hokimining maslahatchisi S. Tongotorova,
— Davlat tilida ish yuritish asoslarini o‘qitish va malaka oshirish markazi Farg‘ona hududiy bo‘linmasi rahbari N. Qo‘ldashev,
— Markaz professor-o‘qituvchisi, filologiya fanlari doktori, professor S. G‘ofurova ishtirok etdilar.
Mashg‘ulotlar davomida tinglovchilar davlat tilini mukammal o‘rganish, og‘zaki va yozma nutqni rivojlantirish, kundalik hamda kasbiy muloqotda erkin foydalanish bo‘yicha muhim bilim va ko‘nikmalarga ega bo‘ladilar.
Mazkur o‘quv kursi ishtirokchilarning til madaniyatini oshirish, ularning jamiyatdagi faolligini kuchaytirish hamda davlat tiliga bo‘lgan hurmatni yanada mustahkamlashga xizmat qiladi.
O‘quv kursi 3 oy davomida maxsus dastur asosida olib boriladi.
