Suxandonlar uchun malaka oshirish kursi
O‘zbekiston Respublikasi Prezidentining “O‘zbek tilini yanada tivojlantirish va til siyosatini takomillashtirish chora-tadbirlari to‘g‘risida”gi 2020-yil 20-oktabrdagi PF-6084-son Farmoni 3-ilovasi 11-bandi boʻyicha tasdiqlangan nazorat rejasining 24-bandi hamda Oliy va o‘rta maxsus ta’lim vazirining 2020-yil 6-martdagi “O‘zbekiston Respublikasi Vazirlar Mahkamasining 2020-yil 3-martdagi 117-son qarori to‘g‘risida”gi 170-sonli buyrug‘ining ijrosini ta’minlash maqsadida «O‘ZBEK ADABIY TILI ME’YORLARI VA NUTQ MADANIYATI KURSI» tashkil etilgan edi.
Bugun O’zbekiston milliy teleradiokompaniyasi suxandon-boshlovchilari va sharhlovchilaridan iborat yangi guruh uchun navbatdagi kurslar boshlandi.
Markaz direktori f.f.d., dots. I.Azimov tinglovchilar bilan tanishib Markaz va unda tashkil etilgan kurslar mohiyati, tilimiz sofligini targ‘ib etishda radio va televideniyaning o‘rni yuqori ekanligini ta’kidladi. Ularni ushbu ishlarni amalga oshirishda kamarbasta bo‘lishga chaqirdi. Shuningdek, tinglovchilarga kurs davomida va kelgusi ishlarida muvaffaqiyatlar tilab Markazning esdalik sovg‘alarini topshirdi.
