Markaz tomonidan Turkiyaning Yurt Dışı Türkler ve Akraba Toplulukları Başkanlığı (YTB) (Chet el turklari va qarindoshlar jamiyati boshqarmasi) Ankara ofisida O‘zbek tilini o‘rganganish istagida bo‘lgan turli millat vakillari uchun tashkil etilgan kurslar davom etmoqda.
Turli millat vakillaridan iborat til o‘rganuvchilar o‘zbek tilini qiziqish bilan o‘rganmoqdalar. Kurs so‘ngida imtihondan o‘tgan o‘rganuvchilarlar Markazning o‘zbek tilini bilish darajasini belgilovchi sertifikatiga ega bo‘ladilar. Til o‘rganuvchilar uchun darsliklar va o‘quv qo‘llanmalar Markaz tomonidan ta’minlangan. O‘zbek tili darslari Anqara universiteti doktoranti Muzaffar Habibullayev tomonidan olib borilmoqda.
